Sogn og Fjordane helsefellesskap

Helsefellesskapa skal utvikle og planlegge tenestene saman som likeverdige partnarar. I helsefellesskapa vil representantar frå helseføretak, kommunar, lokale fastlegar og brukarar møtast for å planlegge og utvikle tenestene saman.

 

Helsefellesskapa bør prioritere utvikling av tenester til barn og unge, personar med fleire kroniske lidingar, personer med alvorlege psykiske lidingar og rusproblem, og skrøpelege eldre. Helsefellesskapa skal finne løysingar som passar til lokale behov og føresetnader. Etablering av helsefellesskap bygger på følgande prinsipp: ein tydlegare samarbeidsstruktur, betre felles planlegging, auka samordning, betre beslutningsprosessar, felles virkelighetsforståing, tydelege prioriteringar og felles sekretariatsfunksjon.

 

Sogn og Fjordane helsefellesskap vart etablert i desember 2021 og bygger på den etablerte strukturen ein allereie hadde i regionen, med samarbeidsorgan som ein gjennom mange år har hatt mellom Helse Førde og kommunane i opptaksområdet. Strategidokument for helsefellesskapet vart vedteke 30.11.22. ​
​